Ahobizien eta Belarripresten topagunea egingo dute bihar Galdakaon

TESTUA: Irati Alonso García
ARGAZKIA: E. V.

Gaur, maiatzak 15, hasi da Euskaraldia eta hilaren 25era arte luzatuko da euskararen erabilera bultzatzeko ekimena. Bitartean hainbat ekintza antolatuko dituzte herrietan eta Galdakaon esaterako, Ahobizien eta Belarripresten topagunea egingo dute bihar.

Elkar mugituz egingo dugu’ lemapean, gaur hasi da aurtengo Euskaraldia. Euskararen aldeko ekimena hilaren 25era arte luzatuko da eta milaka pertsonek hartuko dute parte, Galdakaon ere.

Hasierarekin batera, bihar, maiatzak 16, ekintza berezia prestatu dute Euskaraldiko Galdakaoko antolatzaileek. Zehazki, Ahobizien eta Belarripresten topagunea egingo dute Kurtzean, 19:00etan.

Jan, edan eta euskaraz aritzeko aukera izango dute parte-hartzaileek eta Euskaraldiaren izen-ematearen erradiografia egingo da ere. Halaber, txaranga egongo dela adierazi dute antolatzaileek.

Herritarrak animatu dituzte parte hartzera eta bideo honen bitartez egin dute.