Galdakao eta Bilbo arteko bidegorria eskatzeko martxaren ikasturteko azkena, bihar
TESTUA: Irati Alonso García
ARGAZKIA: Biziz Bizi
Bidegorria Galdakaora Orain martxaren XXXIX. edizioa antolatu du Biziz Bizi elkarteak biharko, ekainak 28. Ikasturteko azkena izango da eta 11:00etan hasiko da Bilboko Bizkaiko Foru Aldundiaren eraikinetik.
Ohi duenez, Biziz Bizi elkarteak Bidegorria Galdakaora Orain martxaren edizio berri bat antolatuko du hilabete honetako azken zapatuan, hau da, bihar, ekainak 28.
Ikasturteko azken martxa izango da —irailean bueltatuko dira— eta ibilbidea 11:00etan hasiko da Bilboko Bizkaiko Foru Aldundiaren eraikinetik.
«Denboraldia etxeko lanak eginda amaitu dugu, baina gure erakundeek ez. Oporrak hartzen ditugu eta irailean berriz ere borroka honetan jarraituko dugu. Pasa uda on bat eta bizikleta asko», adierazi du Biziz Bizi elkarteak.
