Galdakaoko presoen egoeraren inguruko solasaldia antolatuko dute Herriko Bentan
TESTUA: Irati Alonso García
ARGAZKIA: Google Maps
Gaur, apirilak 17, Preso Politikoen Nazioarteko Eguna da eta honen harira Galdakaoko presoen egoeraren inguruko solasaldia antolatuko dute Herriko Bentan. Saioa Josu Amantes ‘Txirlas’-ek eskainiko du eta sarrera librea izango da.
Preso Politikoen Nazioarteko Eguna apirilaren 17an izatea adostu zuten 2005an Preso Politikoen Nazioarteko Konferentzian. Ordutik, urtero ekintzak antolatzen dira preso politikoen egoera ezagutzera eman eta hauen eskubideak aldarrikatzeko.
Aurten Galdakaon ere herriko presoen egoeraren berri emateko solasaldia antolatu dute. Herriko Bentan izango da gaur 19:00etan eta Josu Amantes ‘Txirlas’-ek eskainiko du hitzaldia.
Antolatzaileek parte hartzera animatu dituzte herritarrak, Galdakaoko presoek bizi dituzten baldintzak ezagutzeko.
