Gaur arratsaldean hasiko da Euskaraldiaren txapen banaketa Galdakaon
TESTUA: Irati Alonso García
ARGAZKIA: Euskaraldia
Euskaraldia maiatzaren 15etik 25era antolatuko da aurten eta izen-ematea oraindik zabalik dagoen arren, txapa banaketa gaur arratsaldean hasiko dute Galdakaon. Iturrondo plazan izango da, 18:00etatik aurrera.
Euskararen erabilera bultzatzeko helburua duen Euskaraldia ekimena maiatzaren 15etik 25era antolatuko da aurten, ‘Elkar mugituz egingo dugu’ lemapean. Izena emateko epea martxoaren 15ean hasi zen eta ehunka galdakoztarrek eman dute honezkero.
Ekimenarekin bat egiteko aukera maiatzaren 15era bitarte egongo da irekita eta webgune bitartez egin daiteke, eta baita herrietan jarri diren buzoietan ere. Galdakaon bederatzi gunetan jarri dituzte buzoiak, honako eraikinetan:
- Musika eskolan
- Anbulatorioan
- Udaletxean
- Urretako kiroldegian
- Elexaldeko kiroldegian
- Santa Barbaran
- Barandiaran AEK Euskaltegian
- Udal Euskaltegian
- Torrezabal Kultur Etxean
Ekimen heltzen den bitartean ordea, txapak banatzen hasiko dira Galdakaon. Euskaraldian parte hartuko dutenek haien rola idenfikatuko duen txapa jaso ahal izango dute gaur, apirilak 30, Iturrondo plazan 18:00etatik aurrera.
