Kalistenia jardunaldi bi antolatuko dituzte Plazakoetxen
TESTUA: Irati Alonso García
ARGAZKIA: Laguno
Galdakaoko Udalak, Street Workout Together taldearekin elkarlanean, kalistenia jardunaldi bi antolatu ditu Plazakoetxen. Lehenengoa bihar, ekainak 21, izango da eta bigarrena aldiz, uztailaren 5ean.
Herritarren artean kirol ohiturak sustatzeko asmoz, kalistenia jardunaldi bi antolatu ditu Plazakoetxen Galdakaoko Udalak, Street Workout Together taldearekin elkarlanean.
Bihar, ekainak 21, izango da lehenengo saioa eta 12 eta 17 urte bitarteko gazteentzat bideratutako egongo da, 17:00etatik 18:15era. Izena emateko epea zabalik dago formulario honetan.
Bigarrena aldiz, uztailaren 5ean izango da, helduentzat, eta 18:30ean hasi eta 20:00etan amaituko da. Honetarako ere izen-ematea zabalik dago.
Saioetan parte hartzeko ez da beharrezkoa izango aldez aurreko esperientziarik izatea; izan ere, diziplina horretan lehen urratsak emateko beharrezko jarraibideak emango dituzte monitoreek. Dagoeneko aritzen diren pertsonek, berriz, beren teknika hobetzeko aukera izango dute, profesionalen laguntzarekin.
