Mikel Crespo galdakoztarrak Valentzia futbol taldea entrenatuko du
TESTUA: Irati Alonso García
ARGAZKIA: Valencia CF
Emakumezkoen Valentzia futbol taldearen entrenatzailea izango da Mikel Crespo galdakoztarra 2025-2026 denboraldian. Helburua taldea lehen mailara igotzea izango da.
Mikel Crespo galdakoztarra Valentzia futbol taldean arituko da abuztuaren amaieran hasiko den denboraldi berrian. Entrenatzaileak urte baterako kontratua sinatu du eta taldea lehen mailara igotzea izango du helburutzat.
Valentzia futbol taldea Lehen Federazioan jokatuko du datorren denboraldia, duela hiru urtera arte Bigarren Maila zena.
«Denboraldi zorrotza izango da, oso denboraldi gogorra, baina azkenean Valentzia gara eta maila altuenetara begiratu behar dugu beti. Exijentziak, ahalik eta handiena izango denak, ilusioa piztu, motibatu eta gure bertsiorik onena ematen lagundu behar digu, zaletuek lagunduta. Ziur nago gu babestera etorriko direla», adierazi zuen galdakoztarrak bere aurkezpenean.
Crespo Alaveseko entrenatzailea izan zen 2020-2021 denboraldian eta Liga F-ra igoera lortu zuen taldeak bere gidaritzapean. 2022ra arte izan zen Alaveseko entrenatzailea. Albacete Fundazioa entrenatzen hasi zen Lehen RFEF mailan, 2025era arte.
