Zapatuan, urriak 11, Bizkaiko Bertsolari Txapelketako lehenengo faseko saioetako bat hartuko du Galdakaok. Bertan sei bertsolarik hartuko dute parte eta hemen batu dugu parte-hartzaileen zerrenda.
Irailaren 28an hasi zen Bizkaiko Bertsolari Txapelketa eta lehenengo fasean bost saio lehiatuko dira, hauetako bat Galdakaon. Zapatuan, urriak 11, izango da Torrezabal Kultur Etxean izango da, 17:00etan, eta sarrerak eskuragai daude honezkero.
Guztira sei bertsolari arituko dira Galdakaon Begoñe Olabarria Astobizak aurkeztutako gaiei erantzunez kantatzen, lau emakumezko eta bi gizonezko:
· Araitz Katarain
· Asier Galarza
· Bittor Altube
· Enare Muniategi
· Irune Basagoiti
· Paule Ixiar Loizaga
Galdakaoko saioaren irabazlea Barakaldoko finalaurrekoan arituko da, eta besteek puntuazioaren zain egon beharko dute.
