ARGAZKIAK | Inauterietako herri afariak eta mikro irekiak ehunka gazte batu zituen
TESTUA: Jon Gomez Garai
ARGAZKIAK: Peio Zamalloa
Aratusteetan bete-betean dira gure herriak, eta mozorroak protagonista dituen ekintzak ez dira falta Galdakaon ere. Horren adibide da Zizpak antolatutako atzoko herri afaria eta osteko mikro irekia. Bertan izan ginen eta 18 irudi hauek batu genituen bertatik!
Barikuan lehertu zen urteko festarik koloretsuena munduko bazter gehienetan, eta Galdakao ez da salbuespena izan. Hamaika ekintza eta zeregin batu dituzte Udalak eta herriko zenbait elkartek barikutik martitzenera bitarte, eta mozorroak, saltsa zein alaitasuna ez dira batean ez bestean falta izan. Ezta faltako ere.
Horietariko ekintza batzuk Zizpa Gazte Konpartsak antolatu ditu, eta zehazki talde honek antolatutako herri afarian eta osteko mikro irekian izan da Binke. Horren erakusgarri dira ondoko irudi irribarretsu hauek!
