Carmen Almansaren margolanak
Sormenetik
BINKE / 2023ko ekaina
Betidanik izan du gertutasun handia pinturarekin eta beste ibilbide profesional bat hautatu zuen arren, aisialdia aprobetxatu du beti margozteko. 2019an bikotekidearekin Galdakaora etorri zen bizitzera eta orduan Arte Eskolan izena eman zuen. Forma alde batera uzten hasi ziren margolariak gustoko ditu, pinturarekin zerbait komunikatzeko orduan kolorearen potentziaz interesa duela. Horregatik hasi zen inpresionismoarekin eta bere pintzeladaren askatasunarekin, eta batez ere espresionismoarekin eta fauvismoarekin. Inspirazioari dagokionez, natura eta honetan ageri diren kolore kontrasteak hartzen ditu oinarri gisa gehienetan.
