![](https://binke.eus/wp-content/uploads/2022/04/Gazte-Eguna-2018-Galdakao-scaled.jpg)
EGITARAUA | Galdakaoko X. Gazte Eguna maiatzaren 7an izango da
Jaiak
BINKE / 2022ko apirila
Galdakaoko X. Gazte Eguna maiatzaren 7an izango da
TESTUA: Erredakzioa
ARGAZKIA: Aitzol Zamalloa
Maiatzaren 7an antolatuko da Galdakaoko Gazte Egunaren hamargarren edizioa, eta gaur eman dute eguneko egitarauaren berri jolasak, herri bazkaria eta kontzertuak tarteko. Egitarau osoa hemen ezagutu dezakezu!
Orain bi urte birtualki ospatu zen eta iaz bertan behera utzi behar izan zen Galdakaoko Gazte Eguna. Baina aurten bueltan datorrela baieztatu zuen Gazte Eguneko antolakuntzak martxoaren 29an, eta halaxe batu zuen Binkek ere.
Gaur aldiz, apirilak 26 dituela, egun osoko egitaraua ere argitaratu dute azpiko kartelaren bidez. Zortzi ekitaldik osatuko dute egitaraua, goizeko «Zelai-errea Master Cup» lehiaketarekin hasi eta kontzertuekin amaituta.
Ekitaldi guztiak Kurtzeko plazaren bueltan izango dira edo bertatik hasita, pandemiaren aurreko urteetan ezagun zen paella txapelketa bueltan dator eta Kurtzeko plaza «ilusio eta aldarriz» berriro betetzera herriko gazte guztiak gonbidatu ditu Gazte Eguna antolatzeko asanbladak.
Hauxe izango da 2022ko Gazte Egunaren egitaraua, Kurtzeko plazan:
Maiatzak 7, zapatua
11:30. Zelai-errea Master Cup, frontoian.
14:00. Paellen aurkezpena.
14:30. Bazkari herrikoia.
16:00. Bingo musikatu feminista, Momoak-en eskutik.
18:00. Elektrotxaranga + jokoak, GoTx-en eskutik.
21:00. Kontzertuak: Calathea + Itziarren Semeak + Beranduegi erromeria.
![](https://binke.eus/wp-content/uploads/2022/04/Galdakaoko-Gazte-Eguna-2022.png)