EGITARAUA | Inauteriak ospatzeko hamaika ekintza antolatuko dituzte Galdakaon eta Usansolon
TESTUA: Irati Alonso García
ARGAZKIA: Peio Zamalloa
Beste urte batez, erritmo eta kolorez beteko dira Galdakaoko eta Usansoloko kaleak inauterietan. Horretarako, Udalak eta herrietako taldeek hamaika ekintza antolatuko dituzte otsailaren 9tik 13ra. Hemen batu du BINKEk egitarau osoa eta baita deskargatzeko aukeran ere.
Galdakaok eta Usansolok inauteriak ospatuko dituzte beste urte batez kolore artean. Horretarako, Udalak eta herrietako eragileek hainbat ekintza antolatu dituzte barikutik, otsailak 9, hilaren 13ra bitarte.
Besteak beste, umeentzako tailerrak, dantza erakustaldiak eta kalejirak izango dira Galdakaon eta Usansolon egun hauetan zehar. Hauxe da otsailaren 9an hasi eta 13an amaituko den egitaraua:
Otsailak 9, barikua
17:00 Haurrentzako tailerrak, Kurtzeko plazan
18:00 ‘Aratusteak, Koko-Dantzan’ Andra Mari Txikiren eskutik, Iturrondo plazan
18:00 Inauteri desfilea eta mozorro erakustaldia, Aperribaiko frontoian
19:00 Kalez kalekoa Ad Libitum Txistulari bandaren, Maximo Moreno Musika Eskolako ikasleen, Areto Dantza elkartearen eta Taupadak Dantza Eskolaren eskutik; Plazakoetxetik
20:00 Mozollokerren epaiketa, Kurtzeko Plazan
20:15 ‘Goizuetako zaragi-dantza’ eta ‘Antzuolako sorgin dantzak’ Andra Mari Dantza Taldearen eskutik, Santi Brouard enparantzatik
22:00 DJ Txurru
Otsailak 10, zapatua
12:30 Lantzeko inauteriak Usansolon Oinarin Dantza Taldearen eskutik, Unkina plazatik plazaz plaza
12:30 Areto Dantza Taldearen erakustaldia, Kurtzeko plazan
17:00 Aurpegi margoketa eta zirko-jaia, Urreta auzoan
17:00 Zizpa Gazte Konpartsak antolatutako playback eta mozorro lehiaketa, udaletxeko karpan
18:30 Kalez kalea eta Miel Otxinen erretzea Oinarin Dantza Taldearekin, Unkina plazan
19:30 Altsasuko inauteriak, Andra Mari Dantza Taldearen eskutik, Kurtzeko plazatik
20:00 Zozongo-kolpez blai ikuskizun ibiltaria, Berezikoetxetik Kurtzeko plazara
21:00 Zizpak antolatutako afaria eta mikro irekia, udaletxeko karpan
Otsailak 11, domeka
12:30 Haurrentzako disko festa, Kurtzeko plazan
17:00 Umeentzako tailerrak, gynkana, txokolatada eta mozorroen desfilea, Urretako eskolan
17:30 Haur tailerrak, mozorro desfilea eta sari banaketa Usansoloko ludotekan
18:00 Mariatxi kontzertua, Kurtzeko plazan
18:45 Haur eta gazte mozorrotuen desfilea, Argizai Eskaut Taldearen eskutik, Urreta eskolan
Otsailak 13, martitzena
18:00 Zirika Zirkusen eskutik haurrentzako ikuskizuna, Kurtzeko plazan
19:00 Mozollokerren epaiketa eta erretzea, Kurtzeko plazan
