El Espejo Negro konpainiak ‘Cris pequeña valiente’ antzezlana eskainiko du Torrezabalen
TESTUA: Irati Alonso García
ARGAZKIA: El Espejo Negro
Torrezabal Kultur Etxeak 23 ikuskizun hartuko ditu abendura bitarte, aretoaren 30. urteurrena ospatzeko. Zapatuan, irailak 28, ‘Cris pequeña valiente’ antzezlana eskainiko du El Espejo Negro konpainiak.
Torrezabal Kultur Etxea jaio zenetik 30 urte bete dira aurten eta hau ospatzeko egitarau berezia prestatu du Galdakaoko Udalak. Guztira, 23 ikuskizun hartuko ditu aretoak abendura bitarte, adin eta zaletasun guztiei zuzendutakoak.
Zapatuan, irailak 28, hartuko du Torrezabalek egitarau honen lehen ikuskizuna. El Espejo Negro helduko da Galdakaora, kasu honetan ‘Cris pequeña valiente’ antzezlana eskaintzeko 18:00etan. Cristina txikiaren istorioa irudikatuko du taldeak, jaio zenean mutikoa zela pentsatu zuten neskatoarena.
Sarrerak eskuragai daude ohiko webgunean 4,5 eta 6 euro arteko prezioan.
