Atzo, martxoak 26, 2026ko Itzulia Basque Countryren aurkezpen ofiziala egin zen Bergarako Seminarixoan. Iñigo Arriandiaga alkatea ekitaldian izan zen, Euskal Herriko txirrindularitza lasterketarik ezagunenaren etapetariko bat Galdakaon antolatuko baita.
Euskal Herriko txirrindularitza lasterketarik ezagunena, Itzulia Basque Country, apirilaren 6an hasiko da eta atzo egin zen aurkezpen ofiziala Bergarako Seminarixoan.
Lasterketaren edizio berria aurkezteko ekitaldian ordezkari instituzionalek, babesleek eta erakundeko kideek parte hartu zuten, tartean Iñigo Arriandiaga Hernando Galdakaoko alkateak. Izan ere, Itzuliako 4. etaparen irteera eta helmuga Galdakao izango da, BINKEk jaso zuen moduan.
Itzulia Basque Country 2026 apirilean izango da sei etapatan zehar, WorldTour egutegiaren barruan bere ohiko formatua mantenduz.
Ibilbideak Euskal Herriko hainbat herri bisitatuko ditu, eta guztira 810,1 kilometro eta 16.154 metro baino gehiagoko malda metatua izango ditu.
Probak nazioarteko mailako talde eta txirrindulari gorenak izango ditu parte-hartzaile, besteak beste: Juan Ayuso, Thibau Nys eta Mattias Skjelmose (Lidl-Trek); Maximilian Schachmann eta Mikel Landa (Soudal Quick-Step); Isaac del Toro (UAE Team Emirates XRG); Primoz Roglic (Red Bull – Bora – Hansgrohe); Paul Seixas (Decathlon CMA CGM Team); Cian Uijtdebroeks (Movistar Team); Pello Bilbao eta Antonio Tiberi (Bahrain Victorious); Alex Aranburu eta Ion Izagirre (Cofidis); eta Ben Healy (EF Education – Easypost).
«Galdakaoren parte-hartzeak Itzulia 2026an aukera paregabea eskaintzen du udalerria nazioarteko mailako ekitaldi batean proiektatzeko eta txirrindularitza profesionalaren esperientzia herritar guztiengana hurbiltzeko», adierazi dute Galdakaoko Udaletik.
