Zig Zag Danza konpainiak umeentzako Mimesis ikuskizuna eskainiko du zapatuan, otsailak 28, Torrezabal Kultur Etxean. Ikuskizunak imitazioa du ardatz, «inguruan dugun munduarekin erlazionatzeko dugun bidea baita».
Zig Zag Danza konpainiaren haurrentzako Mimesis ikuskizunak imitazioa du ardatz, «inguruan dugun munduarekin erlazionatzeko dugun bidea baita, eta ikusten duguna errepikatzen dugulako ikasten baitugu».
Estrella Garcíaren zuzendaritzapean, konpainiak Galdakaoko Torrezabal Kultur Etxean aurkeztuko du ikuskizuna zapatuan, otsailak 28.
Taldeak saio bi eskainiko ditu, 17:00etan eta 18:30ean, eta sarrerak eskuragai daude Torrezabalen eta ohiko webgunean.
