Pilota txapelketa herrikoia jokatuko dute Usansolon domekan

TESTUA: Irati Alonso García
ARGAZKIA: Galdakaoko Udala

Bigarren urtez, pilota txapelketa herrikoia antolatuko du Usansolo Esku Pilota Taldeak Unkina plazako frontoian. Domekan izango da, martxoak 12, eta guztira zazpi partida jokatuko dira bikoteen artean.

Pasa den urtean lehen aldiz antolatu zuen Usansolo Esku Pilota Taldeak txapelketa herrikoia Unkina plazako frontoian eta arrakasta ikusita, berriz egingo dute aurten. Domekan izango da, martxoak 12.

Goizeko 10:30ean hasiko dira partidak, eta guztira zazpi jokatuko dira. Hauek izango dira norgehiakokak:

· Mardaras eta Zorri – Josu eta Txopo
· Uriarte eta Barrenetxea – Abascal anaiak
· Endemaño eta Galarzar – Yurrebaso eta Linaza
· Erlantz eta Oier – Morales eta Koldo
· Markel eta Aimar – Jagoba eta Osoitz
· Yurrebaso eta Ugalde – El Conquiseko anaiak
· Kepa eta Josu – Mikel eta Raul