Usansolon horma-irudia margotzeko ekintza antolatu dute
TESTUA: Irati Alonso García
ARGAZKIA: M. Smith
Iazko Euskaraldian bertan behera utzi behar izan zuten Usansolon horma-irudia margotzeko ekintza eta domeka honetan, otsailak 26, egingo dute. Laminarrieta bidean, lurpeko aparkalekuaren gainean, izango da eta antolatzaileek parte hartzeko deia egin dute.
Atzo, otsailak 21, Hizkuntza Gutxituen Nazioarteko Eguna izan zen eta honen harira, iazko Euskaraldian bertan behera utzi behar izan zuten ekintza egingo dute Usansolon.
Horma-irudia margotzeko atzeratutako ekintza domekan, otsailak 26, egingo dute. Zehazki, Laminarrieta bidean, lurpeko aparkalekuaren gainean izango da, goizeko 11:30ean.
Antolatzaileek, Usansoloko Euskaraldiaren sare sozialen bitartez, parte hartzeko deia egin dute: «Zatozie denak! Denon artean egingo dugu eta!».
