Ainhoa Cantalapiedrak Pinpilinpauxa txosnan kontzertua eskainiko du, Bilboko Aste Nagusian
TESTUA: Irati Alonso García
ARGAZKIA: Ainhoak BINKEri bidalitakoa
Pinpilinpauxa konpartsak aurtengo Aste Nagusian eskainiko dituen kontzertuak iragarri ditu. Besteak beste, Ainhoa Cantalapiedra musikari galdakoztarra arituko da txosna horretan, abuztuaren 20an.
Abuztuaren 16tik 24ra ospatuko da aurten Bilboko Aste Nagusia eta hilabete baino gehiago garatzen den arren, konpartsak prestaketa lanetan murgildu dira honezkero. Udalak eta konpartsa guztiek ez dute programa osoa iragarri oraindik, baina txosna batzuek ezagutzera eman dituzte kontzertuak.
Pinpilinpauxa konpartsak esaterako, zabaldu du aurtengo kontzertuen zerrenda, haien artean Ainhoa Cantalapiedra galdakoztarrarena. Musikariak kontzertua eskainiko du abuztuaren 20an, sare sozialen bitartez ezagutzera eman dutenez.
BINKEko azala izandakoak Operación Triunfo programa irabazi zuen 22 urterekin eta bost disko kaleratu ditu, azkena ‘Arrastrando un cadáver’.
Nacha la Macha, Las Ketchup, Yurena eta Rosa Lopez dira Pinpilinpauxan arituko diren beste artistetako batzuk. Zerrenda osoa ezagutu daiteke konpartsaren sare sozialetan.
