Antzerki Afizionatuaren Erakustaldia hartuko du Torrezabalek bihartik ekainaren 5era bitarte
TESTUA: Irati Alonso García
ARGAZKIA: Totum Teatro
Bihartik ekainaren 5era bitarte Galdakaoko Antzerki Afizionatuaren Erakustaldia hartuko du Torrezabal Kultur Etxeak. Galdarra CEPA Galdakao HHI, Aztiak, Torrezabaleko Tailer Feminista eta Bilboko Totum Teatro taldeak arituko dira edizio honetan, eta hemen batu dugu egitarau osoa.
Bueltan da Antzerki Afizionatuaren Erakustaldia Galdakaora. Bihartik ekainaren 5era bitarte Galdarra CEPA Galdakao HHI, Aztiak, Torrezabaleko Tailer Feminista eta Bilboko Totum Teatro taldeen antzezlanak ikusi ahal izango dira aretoan, erakustaldiaren 25. edizioan.
Urtero moduan, Galdakaoko Antzerki Afizionatuaren Erakustaldiak helburu solidarioa izango du. Sarrera ongintzarako izango da eta salmentekin bildutako dirua OSI Dando Pasos elkarteari bideratuko zaio. Sarrerak dagoeneko salgai daude Udalaren webgunean eta Torrezabaleko leihatilan, 3 euroko prezioan.
Horrek laguntza eta terapia txakurrak trebatzen ditu desgaitasun fisikoak edo intelektualak dituzten pertsonen bizi kalitatea hobetzeko. Kasu honetan, zehazki, lortutakoa Roxyren heziketan inbertituko da, Galdakaoko pertsona baten laguntza txakurra.
Hemen batu dugu Galdakaoko Antzerki Afizionatuaren XXV. Erakustaldiaren egitarau osoa:
Maiatzak 27, martitzena
19:00 ‘Irudimenezko gaixoa’, Aztiak konpainiaren eskutik
Maiatzak 30, barikua
19:30 ‘Pensar an alto’, Totum Teatroaren eskutik
Ekainak 3, martitzena
19:00 ‘Bingoren Bila’ eta ‘Estrategia Justificada’, Galdarra CEPA Galdakao HHI-ren eskutik
Ekainak 5, eguena
19:00 ‘Prohibido Envejecer’, Torrezabaleko Tailer Feministaren eskutik
