Jaiak
BINKE / 2022ko maiatza

Usansoloko jaietako kuadrilak 11 iruditan

TESTUA: Naia Bergaretxe Sarria
ARGAZKIAK: Binke

Asteburu honetan ospatu dira pandemiaz geroztik lehenengo Usansoloko jai ofizialak. UJABAk antolatutako ekintza guztien artean Binke kuadrila jaitsieran izan zen eta hemen batu ditu zenbait argazki.

Pandemiaz geroztik asteburu kulturala ospatzeko aukera bakarrik izan zuten usansolotarrek, baina asteburu honetan, maiatzaren 6, 7 eta 8an, lehenengo jai ofizialak antolatu dituzte UJABAkoek eta «ohiko» egitaraua prestatzeko aukera izan dute.

Hainbat ekintza antolatu dituzte hiru egunetan zehar Binkek argitaratu zuen bezala, hala nola, tailerrak ludotekan, txapelketa ezberdinak, dantza emanaldia, erakusketak, zenbait kontzertu eta diskofesta… Horien artean Lamintxu Gazte Asanbladak antolatutako barikuko kuadrila jaitsieran izan zen Binke.

Kuadrila jaitsiera lehiaketa ere badenez, jaietako pregoiaren aurretik Unkinako plazan, sari banaketa egin zen. Hirugarren postua «113 lore» taldearentzat izan zen, bigarren postua Tribu taldekoentzat eta irabazleak Conquiseko kuadrila izan ziren.

Hemen batu ditu Binkek kuadrilen desfilearen aurretik ateratako zenbait argazki: