Bengoetxeko ikasleak ostalaritza eskolan

TESTUA ETA ARGAZKIA: Belen Cosgaya eta Alazne Pérez de Heredia, Bengoetxe BHIko ikasleak.

Orain dela hilabete batzuk, ostalaritza eskolako ikasle batzuk Bengoetxe institutora etorri ziren galdera batzuk egitera. Emaitza horiek erronka bat egiteko erabili zituzten, “Tupper osasungarria” izenekoa.

Otsailaren 20an, 3.DBHko Bengoetxeko ikasleak ostalaritza eskolara joan ginen, instalazioak ikustera eta prestatu ziguten janaria dastatzera, hori baitzen beraien erronka.

Ostalaritza eskola, Bengoetxen dago kokatuta, gure institututik 5 minutura. Iritsi ginenean, instalazio guztiak ikusi genituen eta haien azalpenak entzun genituen. Dena ikusi eta gero, ikasten duten geletara eraman gintuzten eta prestatu zituzten platerrak eskaini zizkiguten. 

Ikasleok bi taldetan banatu gintuzten.
Lehenengo taldekoek arroza oilaskoarekin, entsalada eta marrubizko mousse-a izan zuten.
Bigarren taldekoek, aldiz, dilistak kurriarekin, izokina eta bainilla gailetak sagar konpotarekin.

Gure aburuz, esperientzia ona izan da. Gehien gustatu zaiguna eskola ikustea eta ezagutzea izan da, eta batez ere, prestatutako janaria dastatzea platerak oso goxo zeudelako.

Eskerrik asko!!