BIDEOA | Galdakaoko Txirrindulari Gelak bere lehen abestia sortu du
TESTUA: Irati Alonso García
IRUDIAK: Galdakaoko Txirrindulari Elkartearen Gela
Galdakao Txirrindulari Elkartearen Gelaren topaketetan «motibazio puntu bat gehiago lortzeko» helburuz, abesti berria sortu dute. Kanta Ulenek sortu du eta Ana, Unax eta Ibonen kolaborazioak ditu ahotsetan.
Galdakao Txirrindulari Elkarteak bere denboraldi berria aurkeztu zuen Torrezabal Kultur Etxean martxoaren 8an eta arduradunek hitzorduan azaldu zutenez, elkartearen eskola den Gelak 35 ume ditu aurten. «Hitzaldietan, irteeretan eta erronketan parte hartzeko aukera izango dute aurten ere», azaldu zuen Igor Anton arduradunak saioan.
Orain, ekintza guzti hauetan «motibazio puntu bat gehiago lortzeko» helburuz, abesti berria sortu du Gelak. Kanta sortzeko ideia monitore batena izan zen, Manolorena. «Topaketa batean abesti bat jarri zuen eta horrelako zerbait behar zutela esan zuen, abestia erdaraz zenez, euskaraz bat sortzea adostu genuen», azaldu dio BINKEri Ibon Negreirak, Gelako ume baten aitak.
Abestia nork egin argi izan zuten hasieratik: musika arloan urte askotako esperientzia zuen Julenek. «Berarekin hitz egin, baiezkoa eman eta letrari bueltak ematen hasi ginen. Bizipen bat izan behar zen, umeek egunerokatsunean bizitzen dutena, eta horrela sortu zen abestia. Urte oso batez luzatu zen sortze prosezua. Musika sortu, kolaboratzaileak bilatu, grabaketa egin, bideoklipa sortu… Ondo pasatu genuen prozesu guztian!», adierazi du Negreirak.
Musika eta grabaketa Ulenek egin ditu eta Ana, Unax eta Ibonen kolaborazioa izan du ahotsetan. Bideoan Asierrek baxua, Ibaik gitarra eta Julianek bateria jotzen dituzte, eta Jugatx, Ihart, Beñat, Manex, Asel, Juancar eta Barra txirrindulariak agertzen dira.
