Bizkaiko Trontza Misto Txapelketa Galdakaon antolatuko da, domekan

TESTUA: Irati Alonso García
ARGAZKIA: Erran

Galdakaok aurtengo Bizkaiko Trontza Misto Txapelketa hartuko du domekan, ekainak 15. Iturrondo plazan izango da eta parte-hartzaileek 45 ontzako enbor bati 15 ebaki eman beharko dizkiote.

Bizkaiko Euskal Joko eta Kirol Federakundeak urtero antolatu ohi du Bizkaiko Trontza Misto Txapelketa eta aurten Galdakaon izango da, domekan. Ekitaldia Iturrondo plazan izango da 12:30ean, eta «euskal kultura kirolaren bidez transmititzeko aukera paregabea» izango da.

Probako parte-hartzaileek 45 ontzako enbor bati 15 ebaki eman beharko dizkiote. Horrez gain, emakumezkoen harrijasotze erakustaldia ere izango da. Zehazki, hurrengoak dira ekitaldian parte hartuko duten bikoteak:

• Ugaitz Perez–Esti Meseguer (Getxo Herri Kirol Taldea)
• Xabat Erleaga–Amaia Mendinueta (Arratzuko Piratak Herri Kirol Kluba)
• Bingen Erleaga–Oiane Gonzalez (Arratzuko Piratak Herri Kirol Kluba)
• Joseba Arrien–Iraide Gezuraga (Arratzuko Piratak Herri Kirol Kluba)
• Julen Iturraspe–Ainize Perez (Eako Urtza Herri Kirol Kluba)
• Inhar Urruzuno–Zihara Zabala (Gernikako Arkupe Sustabiz K.E)

Harrijasotzaileak, aldiz, Andrea Valenciano eta Laura Perez izango dira, biak Getxo Herri Kirol Taldekoak.