EGITARAUA | Zugutzuko jaiak ospatuko dira bihar

TESTUA: Irati Alonso García
ARGAZKIA: Buzkentza taldea

Bihar, azaroak 30, Zugutzu auzo galdakoztarreko jaiak ospatuko dituzte. Besteak beste, kalejirak, Galdakaoko Da Capo Musika Bandaren emanaldia eta mus txapelketa antolatu dituzte egunean zehar. Albiste honetan batu dugu egitarau osoa.

Ohi denez, Santa Barbara egunaren bueltan ospatuko dituzte jaiak Zugutzu auzo galdakoztarrean. Bihar, azaroak 30, egingo dituzte ospakizunak eta horretarako egitarau zabala antolatu dute auzokideek Galdakaoko Udalaren laguntzarekin.

Kalejirak, Galdakaoko Da Capo Musika Bandaren emanaldia eta mus txapelketa antolatu dituzte egunean zehar, besteak beste. Hemen batu dugu egitarau osoa:

10:30 Argazkia, Esker tabernaren kanpoan
11:00 Triki-kalejira, erresidentziatik (zapiak banatuko dira)
12:00 Pregoia eta txupinazoa, Santa Barbara futbol zelaian
12:15 Triki-poteoa, Iraragorri Hotela eta Esker a las brasas tabernatik abiatuta
13:00 Luntxa karpan
13:15 Da Capo musika bandaren emanaldia karpan
14:30 Herri bazkaria, Esker a las brasas tabernan
16:30 IV. Mus Txapelketa
17:00 Txokolate banaketa erresidentzietatik
19:30 Buzkentza rock taldearen kontzertua
22:00 Agurra, ‘Santa Barbara Bendita’ abestiarekin