Enrique Arnaizek omenaldia jaso zuen, Lagun Onak Areto Futbol klubean egindako ibilbideagatik
TESTUA: Irati Alonso García
ARGAZKIA: Juan Luis Ibarretxe
Maiatzaren 11n Enrique Arnaiz Lagun Onak Areto Futbol presidenteak omenaldia jaso zuen, klubean emandako 35 urteengatik. Ekitaldia Urreta kiroldegian izan zen eta Arnaizek oroitzapen-plaka bat jaso zuen.
Lagun Onak Areto Futbol talde galdakoztarrak denboraldiko azken partida jokatu zuen Urreta kiroldegian eta bina berdindu zuen Eskoriatzaren kontra. Honi esker, beste urte bat jarraituko du Hirugarren Mailan, iaz igoera lortu ostean.
Neurketa hasi baino lehen une bereziak bizi izan ziren kiroldegian, klubak Enrique Arnaiz presidenteari egindako omenaldian. Taldeak Arnaiz omendu zuen klubean emandako 35 urteengatik.
Arnaizek oroitzapen-plaka bat jaso zuen, publikoaren zaparradaren artean eta horren ostean, berak hartu zuen hitza denei eskerrak emateko. Arnaiz klubeko burua izan da entitatea 1990. urtean sortu zenetik.
