Erroldari buruzko prestakuntza eskainiko die Galdakaoko Udalak pertsona migratuei
TESTUA: Irati Alonso García
ARGAZKIA: Meeko
Galdakaoko Udalak erroldari buruzko doako prestakuntza saioa antolatu du herrian bizi diren pertsona migratuentzat. Saioa bihar, ekainak 3, izango da, Helduen Heziketa Ikastetxean.
Galdakaora heltzen diren pertsona migratuei laguntzeko helburuz, erroldari buruzko doako prestakuntza saioa antolatu du Galdakaoko Udalak, Helduen Heziketa Ikastetxearekin (HHI), Ongi Etorri Errefuxiatuak Bizkaia plataformarekin eta EISE Galdakaorekin batera.
Hitzordua bihar, ekainak 3, izango da 16:30ean, Helduen Heziketa Ikastetxearen instalazioetan. Hainbat alderdi jorratuko dira saioan, hala nola egungo araudia, udalerri batean erroldatutako pertsonen eskubideak, prozedurak, alokairu kontratua duten pertsonen betebeharrak, eta abar. Gainera, bertaratutakoek beren zalantza eta kezka zehatzak galdetu ahal izango dizkiete formakuntza ematen duten irakasleei.
Izena eman nahi dutenek telefono deiaren bidez edo WhatsApp bidez egin dezakete 688624752 zenbakian, edo 944 010 563 telefonora deituta, 08:00etatik 14:30era.
