Euskadi kalea trafikoari itxiko dute bihar, Torrezabaleko estalkia ordezteko lanen ondorioz
TESTUA: Irati Alonso García
ARGAZKIA: Galdakaoko Udala
Bihar, uztailak 23, Torrezabal Kultur Etxeko estalkia aldatzeko lanak egiten jarraituko dute eta honen ondorioz Euskadi kaleko trafikoa itxiko dute berriz, 08:00etatik 17:00etara.
Torrezabal Kultur Etxeko teilatuko plakak zahartuta daude eta askatzen hasi dira eta honen ondorioz, Galdakaoko Udalak «esku hartze horri ekingo dio, inguru horretako segurtasuna areagotzeko».
Estalkia aldatzeko lanekin jarraitzen dute eta hauek egiteko beharrezkoa izango da bihar, uztailak 23, Euskadi kaleko trafikoa moztea, 08:00etatik 17:00etara.
Garajeetara sartzeko eta irtetzeko aukera egongo da. Euskadi kaleko 10. zenbakiko garajeko ibilgailuak Lapurdi kaletik irten ahalko dira lanek irauten duten bitartean.
