Euskal Herriko Alboka Eguna Galdakaon ospatuko da, zapatuan
TESTUA: Irati Alonso García
ARGAZKIA: Galdakaoko Udala
Galdakaok hartuko du aurten Euskal Herriko Alboka Eguna, Andra Mari Dantza Taldearen eskutik. Zapatuan, maiatzak 17, eta egitarau zabala antolatu du taldeak egun osorako.
Euskal Herriko Alboka Eguna Galdakaon izango da aurten zapatuan, maiatzak 17, Andra Mari Dantza Taldearen eskutik. Taldeak antolatuko hitzordua bere 70. urteurrenaren ospakizunen baitan, eta hainbat ekintza prestatu ditu egunerako, Galdakaoko Udalaren laguntzarekin.
Hau da egitaraua:
11:30 Albokarien topaketa, Kurtzean
12:00 Manu Gojenola ikerlariak ondutako ‘Mariano Barrenetxearen alboka mundua’ liburuaren aurkezpena
12:30 Kalejira
14:30 Herri bazkaria*
16:30 Saio irekia
17:30 Karlos Subijanaren kontzertua
18:30 Alboka eta liburu zozketa
19:00 Eingo dantza plaza
*Bazkariko tiketak salgai daude Herriko eta Zurrut tabernetan eta baita esteka honetan.
Galdakaoko Udalak adierazi duenez, albokak garrantzia handia izango du egun horretan: «Galdakaoko herriak lotura sendoa izan du musika tresna horrekin; ia desagertzear zegoenean bertan biziraun zuen, eta, are gehiago, Andra Mari Eusko Dantzari taldeko ikurra ere bada. Bestalde, 1943an egin zen lehen txapelketa Galdakaon eta, besteak beste, Inazio Uribarri, Antonio ‘Jitano’ Aiesta, Tiburtzio Elezkano eta Txilibrin izan ziren albokarien artean. Beraz, Euskal Herriko Alboka Egunaren bidez lotura hori indartzea da asmoa».
