Euskal Mendizaletasunaren XXVII. Gala hartuko du Torrezabalek urriaren 20an
TESTUA: Irati Alonso García
ARGAZKIA: Euskal Herria Kirola
Ganguren Mendi Talde galdakoztarrak antolatuko du aurten Euskal Mendizaletasunaren Gala. XXVII. edizioa Torrezabal Kultur Etxean izango da urriaren 20an eta hitzorduan 2022ko EMF eta PYRENAICA sariak banatuko dira.
Urtero antolatzen dute Euskal Mendizaletasunaren Gala eta aurten Galdakaon izango da, Ganguren Mendi Taldeak antolatuta. Torrezabal Kultur Etxean izango da ekitaldia, urriaren 20an 19:00etan.
XXVIII. edizioa izango da ohi denez, 2022ko EMF eta PYRENAICA sariak banatuko dira mendizaleak batuko dituen hitzorduan.
Ekitaldia amaitzean sarituekin afalduko dute Aretxondo jatetxean Euskal Mendizale Federazioko ordezkariek eta baita «gurekin egon nahi duen ororekin ere». Afarian parte hartu nahi dutenek aurretik izena eman beharko dute Euskal Mendizale Federazioaren webgunean, 42 euroko prezioan.
