Euskaraldian hedatzaile rola hartzeko deia egin diete galdakoztarrei
TESTUA: Irati Alonso García
ARGAZKIA: Jon Gomez Garai
Martxoaren 15ean zabaldu zen Euskaraldiaren izen-ematea eta honezkero 700 herritar baino gehiagok eman du izena Galdakaon, ahobizi edo belarriprest moduan. Antolatzaileek hedatzailearen rola indartu nahi dute aurten herrian eta horretarako profil horretan izena emateko deia egin diete herritarrei. Baina, zer da hedatzailea Euskaraldian?
Euskararen erabilera bultzatzeko helburua duen Euskaraldia ekimena maiatzaren 15etik 25era antolatuko da aurten, ‘Elkar mugituz egingo dugu’ lemapean. Izena emateko epea martxoaren 15ean zabaldu zen eta Galdakaon honezkero 700 herritar baino gehiagok eman du izena, ahobizi edo belarriprest moduan.
Antolatzaileek ordea, hedatzaile rola indartu nahi dute eta horrela izena emateko deia egin diete herritarrei. Baina, zer egin behar du hedatzaile batek?
Hedatzaileek bi funtzio nagusi dituzte. Batetik, Euskaraldiaren komunikazioak ingurukoei zabaltzea eta bestetik, gertuko edo inguruko hamar pertsona Euskaraldian izena ematera animatzea.
Hedatzaile egiteko 645702283 telefonora deituz edota galdakaoneuskaraz@gmail.com posta elektronikora idatziz egin daiteke.
