Gaizka Carregal galdakoztarrak Bizkaiko lau eta erdiko txapelketa irabazi du
TESTUA: Irati Alonso García
ARGAZKIA: Adiskide Pilota Elkartea
Bizkaiko lau eta erdiko txapeldun berria da Gaizka Carregal galdakoztarra. Finala Derion jokatu zuen ekainaren 6an, Unax Ramirez sopeloztarraren kontra.
Gaizka Carregal pilotari galdakoztarrak sasoi onean jarraitzen du eta txapelketa berri bat irabazi du: Bizkaiko lau eta erdiko finala, nagusien kategorian.
Finala Derioko pilotalekuan jokatu zuen ekainaren 6an, Unax Ramirez sopeloztarraren aurka, eta 22-13 irabazi zuen Carregalek.
Adiskide Pilota Elkartetik «egindako txapelketa bikainagatik» zoriondu dute.
