Galdakao Futbol Taldeak bost partida jokatuko ditu San Mamesen
TESTUA: Irati Alonso García
ARGAZKIA: Athletic Club
Athletic Clubek hirugarren urtez jarraian antolatuko du haur eta gaztetxoei zuzendutako AC Cup txapelketa bihartik, ekainak 3, domekara bitarte. Galdakao Futbol Taldeak txapelketan parte hartuko du eta San Mamesen bost partida jokatuko ditu.
Haur eta gaztetxoei zuzendutako AC Cup txapelketa antolatuko du Athletic Clubek bihartik, ekainak 3, domekara bitarte. Pasa den urtean bezala, hainbat egoitza izango ditu lehiaketaren lehenengo faseak, eta bi Galdakaoko Santa Barbara eta Elexalde futbol zelaiak izango dira, BINKEk jaso zuen moduan.
San Mames izango da beste egoitzetako bat eta AC txapelketan izena eman duten hainbat taldek han jokatzeko aukera izango dute hurrengo egunetan. Talde hauetako bat Galdakao Futbol Taldea da eta hauek dira Athletic Cluben zelaian jokatuko dituen partidak:
Ekainak 3, martitzena
17:45 Peña Athletic-Galdakao 2016
19:15 Galdakao 2014 B-Portugalete 2014
Ekainak 4, eguaztena
20:00 Galdakao 2014 A-Ugao 2014
20:00 Galdakao 2014 C-Gaztelueta 2014 C
Ekainak 5, eguena
18:30 Galdakao 2015-Betolaza 2015
Hauetaz gain, beste hainbat partida jokatuko dituzte Galdakao Futbol Taldeko gaztetxoek txapelketaren baitan, eta AC Cup aplikazioan ezagutu daitezke data eta ordutegiak.
