Galdakaoko Envac Iberia enpresako langileek hilabeteko greba hasiko dute martxoaren 11n
TESTUA: Irati Alonso García
ARGAZKIA: 20 Minutos
Egoitzetako bat Galdakaon kokatuta duen eta bilketa neumatikoko sistemaren bidez hondakinak biltzen dituen Envac Iberia SA-n enpresan greba egitera deitu du ELA sindikatuak. Hitzarmen propioa eskatzen dute langileek eta horretarako hilabete bateko greba deitu dute, martxoaren 11tik.
Lan baldintzak hobetzeko helburuarekin, hitzarmen propio bat negoziatu nahi dute bilketa pneumatikoko sistemaren bidez hondakinak biltzen dituen Envac Iberia SA enpresako langileek, eta horretarako hilabete bateko grebara deitu du ELA sindikatuak.
Martxoaren 11n hasiko dira eta enpresak dituen lau egoitzetako langileak deitu dituzte grebara: Barakaldokoak, Donostiakoak, Laudiokoak, eta baita Galdakaokoak ere.
«Gaur egun, langileek Estatuko hitzarmenaren pean daude, 1789ko lan jardunaldiarekin eta soldata prekarioekin, ELAk salatu duenez. Sindikatuak kritikatu du enpresak uko egin diola EAE mailan lan baldintzak negoziatzeari, eta horregatik jo du grebara», adierazi dute ELAtik, honakoa gehituz: «Grebak irauten duen epean aurrerapausorik eman ezean, ez dugu baztertzen greba deialdia luzatzea».
