Ibon Hernandoren ‘Escrito por Ib’, film labur onena Blogos de Oro Sarietan
TESTUA: Irati Alonso García
ARGAZKIA: Ibon Hernandok bidalitakoa
Otsailaren 16an Espainiako Zinema Independentearen Blogos de Oro Sariak banatu zituzten, online egindako ekitaldi batean. Bertan, Ibon Hernandoren ‘Escrito por Ib’ lanak film labur onenaren saria jaso zuen.
Ibon Hernando galdakoztarraren ‘Escrito por Ib’ film laburrak sariak jasotzen jarraitzen du. Besteak beste, udan, Puebla Film eta Sansilvestrale jaialdietan, gidoi onenaren saria irabazi zuen lanak.
Otsailaren 16an aldiz Espainiako Zinema Independentearen Blogos de Oro Sariak banatu ziren, online egindako ekitaldi batean, eta honetan ere saritua izan zen, film labur onenaren kategorian.
«Eskerrik asko sari honengatik. Film labur hau nire bizitzako momentu berezi batean idatzi nuen. Nire lana utzi eta grabatzera jarri nintzen. Horregatik oso eskertuta nago», azaldu du Hernandok Blogos de Oro Sarien sareetan.
Hauek ziren Hernandoren pelikularekin batera film labur onenaren sarira izendatuta zeuden lanak:
‘Capitanes’, Kevin Castellano eta Edu Hirschfeld
Chiquita piconera’, Mey Montero
‘Escrito por Ib’, Ibon Hernando
‘Ese lugar partido’, Inés Pintor Sierra
‘Gizaki’, Xanti Rodríguez
‘The fruter and the husband’, Nacho Bárcena Martín
¡Triangle’, Joseph Diaz
‘Violetas’, Borja Escribano
Aurtengo Blogos de Oro Sarien irabazleak izan diren lan guztiak ezagutu daitezke sarien webgunean.
