Joseba Loroño galdakoztarra munduko Šamorín triatloi txapelketarako sailkatu da

TESTUA: Irati Alonso García
ARGAZKIA: Joseba Loroñok bidalitakoa

Joseba Loroñok Challenge Salou 2025 triatloi txapelketan parte hartu zuen maiatzaren 11n eta bigarren postua lortu zuen. Honi esker, 2026an munduko Šamorín triatloi txapelketan parte hartzeko sailkatu zen.

Maiatzaren 11n mila kirolari baino gehiago batu ziren Saloun, aurtengo Challenge Salou triatloi txapelketan parte hartzeko. 53 herrialdetako kirolarik lehiatu zuten txapelketaren 10. edizioa.

Thomas Davisek eta Elisabetta Curridorik irabazi zuten distantzia erdiko proba nagusia eta distantzia laburreko proban aldiz, Sergi Berga eta Blanca Sanromà izan ziren garaileak.

Joseba Loroño galdakoztarrak ere parte hartu zuen aurtengo Challenge Salou triatloi txapelketan eta bigarrena izan zen bere kategorian, 5 ordu, 8 minutu eta 8 segundoko denbora egin ostean ibilbide honetan: 1,9 km igerian, 84 km bizikletaz eta 21km korrika.

Honi esker, 2026an munduko Šamorín triatloi txapelketan parte hartzeko sailkatu zen. Lehiaketa hau maiatzaren 24an antolatuko da.