Markel Loroño txirrindulari galdakoztarrak Ángel Martínez Memoriala irabazi zuen
TESTUA: Irati Alonso García
ARGAZKIA: Ciclismo González
Domekan, martxoak 30, Angel Martinez ‘El Cartero’ Memorialaren laugarren edizioa antolatu zen Kantabriako Ampuero herrian, eta bertan parte hartu zuen Markel Loroño txirrindulariak, garaipena lortuz.
Kantabriako Ampuero herriak Angel Martinez ‘El Cartero’ Txirrindularitza Memorialaren laugarren edizioa hartu zuen domekan, martxoak 30. Lasterketa 10:30ean hasi zen, Ampueroko plazatik, eta ehunka kirolarik parte hartu zuen.
Parte-hartzaileen artean Markel Loroño galdakoztarra izan zen eta garaipena lortu zuen, Tilosen Etorbidean kokatutako helmugara lehena heldu ostean.
Loroñok bere sareetan adierazi duenez, master lasterketa batean lortu duen lehen garaipena izan da Ampuerokoa.
