Moblizazioekin jarraitzen dute Transfusio eta Giza Ehunen Zentroko langileek
TESTUA: Irati Alonso García
ARGAZKIA: ELA Osakidetza
Labeako Ospitaleko TGEEZko langileek mobilizazioak egin dituzte hilabeetan zehar euren soldata Osakidetzaren lehenengo mailako arretarekin parekatzea eskatzeko. Gabonetan egindako grebaren ostean, bihar berriz kontzentrazioa egingo dute ospitalearen aurrean.
Osakidetzaren jarrera salatzen jarraitzen dute Labeako Ospitaleko TGEEZko langileek. Hilabeteetan zehar euren soldata Osakidetzaren lehenengo mailako arretaren lankideekin parekatzea eskatzen ibili dira Binkek batutako moduan eta Osasun Zerbitzuak «pausorik ematen ez duenez», mobilizazioekin jarraituko dute.
Gabonetan greba egin zuten hainbat egunetan eta hauek atzean utzita berriz batuko dira ostegunero «diskriminazioa» salatzeko. Zehazki, Osakidetzari %4aren igoera eskatzen diote TGEEZko langileek, lehenengo mailako beste arreta zentroetakoeko kideen soldatarekin parekatzeko.
Bihar batuko dira Labeako ospitalearen aurrean 12:00etan eta hurrengo asteetan mobilizazio gehiago antolatuko dituztela azaldu dute ELA sindikatutik.
