Galdakaoko Udalak Aperribaiko pasabidearen egitura indartzen duten sareak aldatzeko lanak egingo ditu bihar, urriak 18. Honen ondorioz, N-634ko zirkulazioaren noranzko bakoitzean errail bat itxiko da.
Aperribaiko pasabidearen egitura indartzen duten sareak aldatzeko lanak egingo ditu Galdakaoko Udalak, helburua azpiegitura horren segurtasuna mantentzea da, auzorako sarbide garrantzitsua baita.
Lanak bihar, urriak 18, izango dira 07:00etatik 19:00etara, eta beharrezkoa izango da pasabidearen azpitik doan errepideko zirkulazioan mozketak egitea.
Zehazki, zirkulazioaren noranzko bakoitzean errail bat itxiko da, bestea une oro irekita mantenduz, eraginak ahalik eta gehien murrizteko. Oinezkoentzako pasabidea, berriz, irekita mantenduko da lanaldi osoan zehar.
Udalak «herritarren ulermena eskertu du eta lanak irauten duen bitartean arretaz ibiltzeko deia egin du». Era berean, «Udala Aperribaiko pasabidearen egoera zaharkituaz kontziente da eta auzokideen irisgarritasuna eta segurtasuna hobetzeko lanean jarraitzen du».
