Palestinari elkartasuna adierazteko kontzentrazioa egingo dute gaur Usansolon ere
TESTUA: Irati Alonso García
ARGAZKIA: Fundación Espacio Público
Palestina-Gernika ekimenak «Palestinako herriaren eta gizateriaren aurkako azken erasoen aurrean salaketa ozena adierazteko berriro kaleak hartzeko» kontzentrazioak deitu ditu gaurko, apirilak 8. Usansolok bat egingo du aldarrikapen honekin eta Arlo Baltza plazan batuko dira.
Israel eta Palestinaren arteko gatazka hasi zenetik, Gernika-Palestina herri ekimenak hainbat mobilizazio deitu ditu, «Israeli Palestinan genozidioa amaitzea eta Israeli armen eta baliabide militarren salerosketa etetea eskatzeko helburuz».
Gaur, apirilak 8, berriz deitu dute kontzentrazioak egitera «Palestinako herriaren eta gizateriaren aurkako azken erasoen aurrean salaketa ozena adierazteko berriro kaleak hartzeko».
Hainbat herrik egin dute bat deialdiarekin, haietako bat Usansolo. Arlo Baltza plazan batuko dira herritarrak, 19:00etan. «Haritzaren herritik olibondoaren herrira. Gernikaren herritik Gazako herrira», adierazi dute antolatzaileek.
