Santiago Amillanoren argazkiak
Sormenetik
BINKE / 2025eko ekaina
Argazkigintzak oso gaztetatik erakarri ninduen baina urte haietan ez zen orain bezain erraza. Orain edozeinek du kamera bat baina nik 15 urte bete arte itxaron behar izan nuen. Ondoren argazkigintza familiari eta oporretako argazkiei mugatu zen niretzat, jubilazioa iritsi eta praktikari berriz heldu nion arte. Orduan, 2017an, Click eta Click sortu zen eta ez nuen asko pentsatu elkartearekin bat egitean. Argazkigintzaren espezialitate asko gustatzen zaizkit, baina batez ere kalea eta kirola. Kaleko argazkigintzan, besteak beste, Cartier Bressonek, Robert Frankek Joel Meyerowitzek, Erik Kimek edo Guido Klumpek inspiratzen naute eta kirolekoan aldiz, Felix Sanchez Arrazolak eta Jaime de Diegok.
