Sara Diazek Espainiako Petanka Txapelketa irabazi zuen, dupleta kategorian
TESTUA: Irati Alonso García
ARGAZKIA: Sara Diazen sareetatik
Maiatzaren 24 eta 25ean Espainiako Petanka Txapelketa antolatu zen Salamancako Villares de la Reina herrian eta honetan parte hartu zuen Sara Diazek. Galdakoztarrak lehiaketa irabazi zuen dupleta kategorian bere taldekideekin batera.
Sara Diaz gazteak sasoi onean jarraitzen du. Maiatzaren 24 eta 25ean Espainiako Petanka Txapelketa antolatu zen Salamancako Villares de la Reina herrian, dupleta kategorian, eta ehunka pertsona batu ziren hitzorduan, haien artean Diaz.
Galdakoztarrak garaipena lortu zuen Kukuiaga taldeko Monica Fernandez eta Marina Maestro kideekin batera, 13-12 irabazi ostean. Samuel Rodriguez teknikaria ere izan zen haiekin.
«Bigarren aldiz jarraian errepikatu dugu. Gehien gustatzen zaidana irabazi edo galdu arren, azkenean, denok elkarrekin Coca-Cola bat hartuko dugula da. Neskak onenak zarete, dena bakar bihurtzen da», adierazi zuen gazteak sareetan txapelketaren ostean.
