Udaberriko dantza jaialdia antolatuko du Andra Marik, Iruñeko eta Irun-Hondarribiko taldeekin
TESTUA: Irati Alonso García
ARGAZKIA: Andra Mari Dantza Taldea
Andra Mari Dantza Talde galdakoztarrak udaberriko dantza jaialdia antolatu du biharko, apirilak 5. Santi Brouard enparantzan izango da eta Iruñeko eta Iruneko talde bana parte hartuko dute.
Galdakaoko Andra Mari Dantza Taldeak 70 urte bete ditu aurten eta urteurrena ospatzeko hainbat ekintza prestatu ditu urtean zehar. Biharko esaterako, apirilak 5, udaberriko jaialdia antolatu du taldeak.
Sareetan ezagutzera eman dutenez, hitzorduan Iruñeko Ortzadar Euskal Folklore Elkarteak eta Irun-Hondarribiko Kemen Dantza Taldeak parte hartuko dute.
Jaialdia Galdakaoko Santi Brouard enparantzan izango da 12:30ean baina euria izanez gero, dantza saioa frontoian egingo da.
