Zabalik dago Trakzio Mekanikoko Ibilgailuen gaineko Zerga ordaintzeko epea
TESTUA: Irati Alonso García
ARGAZKIA: Ryhor Bruyeu
Galdakaoko Udalak zabaldu du honezkero aurtengo Trakzio Mekanikoko Ibilgailuen gaineko Zerga borondatezko epean kobratzen hasteko epea. Uztailaren 1era arte egongo da zabalik, eta hortik aurrera zerga kobratzeko betearazteko epea automatikoki hasiko da.
Trakzio Mekanikoko Ibilgailuen gaineko Zerga borondatezko epean kobratzen hasi da honezkero Galdakaoko Udalak. Uztailaren 1era arte egongo da zabalik, eta, hortik aurrera, zerga kobratzeko betearazteko epea automatikoki hasiko da.
Udal tasa eta zergen ordainketak helbideratuta izatea da modurik erraz eta erosoena herritarrentzat, eta zerbitzu hori aktibatuta ez dutenei hala egitea gomendatu die Udalak. Kasu horretan, ekainaren 20a baino lehen egindako eskabideak aurtengo likidazioan aplikatuko dira. Beranduago egindakoak, aldiz, 2026tik aurrera.
Ordainketak helbideratu gabe dituztenentzat ere tramitazioak erraztu egin ditu Udalak, eta beraz, aukera hauek izango dituzte ordainketak egiteko, ekainaren 2tik uztailaren 1era bitarte:
- Banketxeetan, Kutxabank, Laboral Kutxa eta Caixabanken bulegoetan. Etxera bidalitako erreziboa eraman behar da, eta banketxean ordainketa egin
- Ordainketa pasabidearen bidez. Udalaren webgunean sartu, eta Nire ordainketa atalean
- Esan herritarren arretarako bulegoan hainbat tramite egiteko jarri den makina automatikoan. Kutxazain horretan herritarrek udal zerga eta tasen ordainketak egin ditzakete
Ordainketa horiek egiteko inprimaki sorta etxean jasotzen ez bada edo galtzen bada, ESAN bulegoan edo Udal Zerga Atarian eskatu beharko da horren kopia. Ordainagiria ez jasotzeak edota akatsen bat izateak ez du esan nahi zerga ordaindu beharrik ez dagoenik.
