Foklore Bizian nazioarteko dantza jaialdia hartuko du bihar Usansolok

TESTUA: Irati Alonso García
ARGAZKIA: Andra Mari Dantza Taldea

Martitzenean hasi zen Andra Mari Dantza Talde galdakoztarrak urtero antolatu ohi duen Foklore Bizian dantza jaialdia eta bihar, uztailak 18, Usansolon izango dira taldeak. Oinarin Dantza Talde usansolotarra eta Fiestas de México mexikarrak arituko dira Unkina kiroldegian.

Folklore Bizian nazioarteko dantza jaialdiaren 38. edizioa antolatu du aurten Andra Mari Dantza Taldeak. Martitzenean hasi zen eta lehen bi egunetan Galdakaon aritu ostean, Usansolon izango dira bihar, uztailak 18.

Fiestas de México eta Oinarin Dantza Talde usansolotarra izango dira Usansoloko jardunaldiko protagonistak, eta bakoitzak bere lurraldeko dantza tradizionalak eta ohiturak ezagutaraziko ditu.

Taijikistaneko talde bat ere etortzekoa zen jaialdira baina azken orduko arazoak direla eta, ezin izan da Folklore Bizianen izan. Usansoloko emanaldien ostean, Arrigorriagan amaituko da jaialdia zapatuan, BINKEk jaso zuen moduan.