Gazteentzako aisialdi ekintzak eskainiko ditu Usansoloko Udalak udan
TESTUA: Irati Alonso García
ARGAZKIA: Halfpoint
Usansoloko Udalak 12 eta 16 urte bitarteko gazteei zuzendutako ekintzak eskainiko ditu udan. Hauetan izena emateko epea zabalik dago ekainaren 4ra bitarte.
Gazteentzako eskaintza zabaltzen dabil Usansoloko Udala eta ildo honetan, aisialdiko ekintzak eskainiko ditu udan 12 eta 16 urteko herritarrentzat. Ekaineko azken astean eta uztaileko bi astetan izango da eskaintza, eta ekintzak, eskulanak eta irteerak antolatuko dituzte.
Saioak Usansoloko Topagunean izango dira eta hiru txandatan banatuko dira:
- 1. Txanda:Ekainak 25 eta uztailak 4 (8 egun)
- 2. Txanda: Uztailak Uztailak 7-11 (5 egun)
- 3. Txanda: Uztailak 14-23 (8 egun)
Ordutegia aldiz, hauxe izango da: hiru egun 10:30-13:30 eta bi egun 10:30-16:30.
Izen-ematea zabalik dago honezkero eta ekainaren 4ra bitarte egin daiteke. Presentzialki egin beharko da Txapelenan, eta interesdunek hitzordua eska dezakete 94 662 60 00, bertako langileriak dagokion eskabidea modu egokian egiten lagundu diezaion.
Gazte bakoitzak nahi beste txandatan izena eman dezake baina plazak betetzen badira zozketan erabakiko da. Banaka, binaka edo hirunaka izena eman dezakete eta zozketak taldetxo hauek errespetatuko ditu.
Informazio gehiago ezagutu daiteke Usansoloko Udalaren webgunean.
