Gure Eskuk bertan behera utzi du Galdakaon antolatutako hitzaldia

TESTUA: Irati Alonso García
ARGAZKIA: Gure Esku

Josu Etxaburu Gure Eskuko bozeramailearen hitzaldia antolatu du ekimenak biharko, maiatzak 14, Galdakaon. Antolakuntzatik BINKEri azaldu diotenagatik ordea, ekitaldia bertan behera utzi dute «baldintzak ez direlako betetzen».

Pasa den azaroan ‘Aurrera egiteko garaia da’ manifestua aurkeztu zuen erabakitzeko eskubidearen aldeko Gure Esku ekimenak. Ehun norbanako baino gehiagok sinatutako deialdia izan zen eta orain herriz herri lanean ari dira, ekainaren 7ko Herri Libre Bat mobilizazio erraldoian Bilboko kaleak hartzeko.

Ildo honetan, Galdakaon hitzaldia eskainiko zuen bihar Josu Etxaburu Gure Eskuko bozeramaileak. Etxaburuk BINKEri eskainitako elkarrizketan azpimarratu zuen moduan, «ale bakoitzak lagunduko du Euskal Herria nahi dugun modukoa izaten».

Antolakuntzatik BINKEri azaldu diotenagatik ordea, ekitaldia bertan behera utzi dute «baldintzak ez direlako betetzen»