Urtea ixteko Torrezabal Kultur Etxea zirko-karpa erraldoia bihurtuko du bihar, abenduak 30, Ganso&Cia konpainiak. Taldeak Maluta ikuskizuna eskainiko du, munduko leku ezberdinetatik datozen artistekin.
Olentzero eta Mari Domingiren bisita atzean utzita, Gaboneko egitarauarekin jarraitzen du Galdakaok. Bihar, abenduak 30, Ganso&Cia konpainia izango da Torrezabal Kultur Etxean eta Maluta zirko ikuskizuna eskainiko du.
Konpainiak zirko-karpa erraldoia bihurtuko du Torrezabal: «Toki magikoa izango da eta bertan gertatuko dena berdingabea eta errepikaezina izango da».
«Munduko zenbait lekutatik datozen artistek laburki erakutsiko dituzte trebetasun ezinezkoak, birtuosismoa eta poesia», adierazi du Udalak.
Saioa 19:00etan hasiko da eta sarrerak eskuragai daude Torrezabalen eta ohiko webgunean.
