Olabarrietako autobus geltokia kendu egingo dute uztailaren 16 eta 17 gauetan
TESTUA: Jon Gomez Garai
ARGAZKIA: Bizkaibusen artxibotik
Datozen bi egunetan Olabarrietako autobus geralekua kendu egingo dutela iragarri berri du Bizkaibusek, asfaltatze-lanak direla eta. Hiru linea izango dira kaltetutakoak baina ordutegi zehatz batean baino ez. Hemen duzu jakin beharrekoa.
Bizkaibusek zapatuan ohartarazi du, uztailak 15 dituela, datozen bi egunetan Olabarrietako autobus geltokia kendu egingo dutela afaltatze-lanak direla eta. Poblado Firestone ere deitzen zaion inguruko geltokia ordea, ez da egun osoz kenduta egongo: 21:00etatik hurrengo eguneko 06:00 arte egongo da erabilezin.
Hiru izango dira euren ibilbidea kaltetuta ikusiko duten Bizkaibuseko lineak, hauek: A3642, A3911 eta A3912. Lehenengoa Basauri eta Usansoloko ospitalea Bengoetxetik igarota lotzen dituen linea izango da, bigarrena Bilbo eta Elorrio ospitaletik lotzen dituena eta hirugarrena Bilbo eta Eibar lotzen dituena.
