Santakurtzetako goitibehera txapelketan izena emateko epea zabalik dago
TESTUA: Irati Alonso García
ARGAZKIA: Click&Click
Aurten ere goitibehera herrikoien lasterketa antolatuko dute Santakurtzetan. Irailaren 15ean izango da eta albiste honetan batu dugu parte hartzeko jakin beharrekoa.
Aurtengo Santakurtzak irailaren 13tik 22ra antolatuko dira eta urtero moduan egitarau zabala prestatu dute Udalak eta Jai Batzordeak. Besteak beste, musika, dantza eta txapelketak izango dira Galdakaoko jaietan zehar, BINKEk jaso zuen moduan.
Halaber, urtero arrakasta handia duen goitibehera lasterketa antolatuko dute Santakurtzetan. Irailaren 15ean izango da, 16:00etan, eta izena emateko epea zabalik dago irailaren 11ren 18:00ak arte webgune bitartez.
Herriko mailak K1 eta K2 izango dira, biak banakakoak, eta hauek kuadrila txapelketarako puntuagarriak izango dira. Bestetik, Euskal Inertzia Koparen honako mailak lehiatuko dira Galdakaon: neumatika, europarra, uretanoa, speed trike eta errodamendua.
Sariak aldiz, honako hauek izango dira:
- Banakako kategorietan: 100 €+kopa, 75 €+kopa, 50 €+kopa
- Bestelakoetan: 120 €+kopa, 95 €+kopa, 75 €+kopa
- Herriko neska azkarrena: 95 €+kopa (Muebles Alberto saria)
- Herriko azkarrena: Kopa (Muebles Alberto saria)
