Kantu Kolore taldeak ‘Txiki Festa’ antolatuko du Usansolon irailaren 30ean
Usansolotarren Eguna ospatuko da irailaren 30ean jai batzordearen eskutik eta Kantu Kolore taldeak umeei zuzendutako ‘Txiki Festa’ eskainiko du Unkinan. Ikuskizuna 12:00etan hasiko da eta jarraian Usansoloko erraldoiekin kalejira izango da.
Jai giroa biziko da Usansolon irailaren 30ean, izan ere, Usansolotarren Eguna ospatuko dute jai batzordearen eskutik. Kantu Kolore taldeak umeei zuzendutako ‘Txiki Festa’ eskainiko du, zeinetan haurrek koreografiak ikasteko, dantzak ikusteko eta barre egiteko aukera izango duten.
Ikuskizuna Unkina plazan izango da 12:00etatik aurrera eta jarraian Usansoloko erraldoiekin kalejira egingo dute inguruetan. Sarrera doakoa izango da.
Kantu Kolore Galdakaon izango da ere, kasu honetan urriaren 15ean ‘Esna zaitez’ ikuskizuna eskaintzeko.
