Usansoloko VIII. Gazte Eguna martxoaren 2an ospatuko da
TESTUA: Irati Alonso García
ARGAZKIA: Peio Zamalloa
Aurten ere Gazte Eguna ospatuko dute Usansolon. Lamintxu Gazte Asanbladak antolatutako hitzordua martxoaren 2an izango da eta bazkarirako tiketak salgai daude honezkero Aldatzen eta Toki tabernetan.
Urtero egin ohi duenez, Gazte Eguna ospatuko du Usansolok martxoaren 2an. Lamintxu Gazte Asanbladak antolatuko du berriz zortzigarren edizio hau eta egitarau zabala prestatu du egun osorako.
Eguna 13:08ean hasiko da, poteo musikatuarekin Mailu plazan. Ondoren, bazkaltzeko ordua helduko da, 15:08 aldera. Paella, postrea eta kopa izango da aurtengo menua eta 12 euroko prezioa izango du tiketak. Lamintxuk jakinarazi duenez, tiketak salgai daude honezkero otsailaren 26ra arte Aldatzen eta Toki tabernetan.
Bazkalostea «berezia» izango dela azaldu dute antolatzaileek eta hone ostean Joselontxos txarangak jarriko du erritmoa.
Gauean aldiz, El Reno Renardoren, Mugi Panderoa Erromeriaren eta DJ Salda Dago-ren kontzertuak izango dira.
